Kandidati për deputet i PD-së në Korçë, Ervin Salianji, ka zhvilluar sot një takim me shoqatën e ish-të përndjekurve politikë, të cilëve iu zotua se Partia Demokratike do t'i përmbyllë çdo detyrim financiar ndaj tyre.
Në fjalën e tij, Salianji tha po ashtu se PD do të japë kredi të buta për pasardhësit e ish-të përndjekurve, si dhe do të përcaktojë me ligj një shpërblim financiar ekstra pagesës së pensionit çdo muaj për ish-të përndjekurit.
"Kënaqësi e veçantë të bisedoja me përfaqësues të nderuar të kësaj shtrese dhe me drejtuesit e shoqatës Nebil Cika, Vasillaq Grabocka, Etem Fejzollari! Për të rikuperuar gabimet e së shkuarës por edhe për t’i dhënë vlerësimin që meritojnë, Partia Demokratike zotohet: Të përmbyllë çdo detyrim financiar ndaj ish-të përndjekurve. Të japë kredi të buta për pasardhësit e ish-të përndjekurve. Të përcaktojë me ligj një shpërblim financiar ekstra pagesës së pensionit çdo muaj për ish-të përndjekurit. Të ndalojë me ligj përdorimin e simboleve të komunizmit. Të miratojmë ligjin për pastrimin e figurës, të jepen 100 Euro shtese për pensionet e të burgosurve politikë", tha Salianji.
Ai shtoi po ashtu se do të ngrenë edhe një muze në kujtim të viktimave të komunizmit.
Komente
pyte pake SHerife Merdanin sa mori kure ishte pd ne pushtet e sa mori me kete qeveri pyete njehere
Përgjigju