Eksperti i sigurisë në Kosovë Bedri Elezi thotë se institucionet e Kosovës performuan dobët për të parandaluar sulmet në veri të Kosovës, përfshi dhe sulmin më të rëndë të ndodhur më 30 nëntor 2024.
“Dështuan të sigurojnë në kohë reale informacionet. Me fat që kishim krah ndërkombëtarët” tha ai në një intervistë për emisionin ‘Sot live në Shqipëri’ në Report Tv.
Elezi thotë se eksplozivi që është përdorur në rastin konkret bazuar në policinë e Kosovës prodhohet për ushtrinë dhe është në posedim të ushtrise serbe, me çka dyshohet që forcat speciale të Ushtrisë serbe të kenë furnizuar këtë grup që ka organizuar sulmin në këtë infrastrukturë kritike.
Ndërkohë Ambasadori i Shteteve të Bashkuara të Amerikës në Kosovë, Jeffrey Hovenier, pas takimit me Kurtin tha se në këtë pikë SHBA-ja nuk është në gjendje të thotë se kush qëndron prapa sulmit në kanalin e Ibër-Lepencit në fshatin Varagë të Zubin-Potokut.
