Megjithëse finalja e “Euro 2020” ishte një festë e madhe për të gjithë, sipas epidemiologes së Organizatës Botërore të Shëndetësisë, Maria Van Kerkhove situata e mbrëmshme e grumbullimeve masive të qytetarëve pa maska është një kërcënim real sa i përket përhapjes së variantit delta të COVID-19.
E revoltuar epidemiologjia përmes rrjetit të saj social Twitter, u shpreh se pandemia nuk bëri pushim ditën e djeshme dhe se varianti delta “do të përfitojë” nga njerëzit e pavaksinuar kundër COVID-19.
Kerkhove tha se pamjet e njerëzve të pavaksinuar, teksa bërtisni pa maska janë shkatërruese.
Ky shqetësim i ngritur nga anëtarja e OBSH-së, vjen teksa varianti delta po përhapet me shpejtësi në të gjithë botën.
Finalja e “Euro 2020” mes Anglisë dhe Italisë, u zhvillua ditën e djeshme duke bashkuar njerëzit nëpër stadiume dhe sheshe ku kanë shijuar ndeshjen pa kufizime anti-COVID.
