Legjenda franceze e trajningut, Arsene Wenger ka komentuar eliminimin e Portugalisë nga Euro 2024 dhe formën e Cristiano Ronaldos. Ish-trajneri i Arsenalit që është pjesë e UEFA-s, tha se ky është ligji i jetës, duke e këshilluar në një farë forme që të heq dorë nga futbolli.
“Ronaldo është një lojtar i fortë dhe trajneri është aty për të marrë vendimet e duhura. Ndoshta lënia e tij pushim në ndonjë ndeshje do të kishte qenë vendimi më i mirë. Nëse Ronaldo do të kishte qenë 10 vjet më i ri, ai do t’i kishte shënuar disa nga mundësitë që pati në dispozicion.
Gjithashtu, Ronaldos i duhen lojtarë që ta ndihmojnë përpara dhe të mos izolohet i vetëm, siç e pamë kundër Francës. Ky është ligji i jetës. Nuk ka asgjë konstante. Sa lojtarë do të luajnë në këtë nivel në moshën 39-vjeçare? Më tregoni? Ai është i jashtëzakonshëm. Pavarësisht moshës së avancuar, vazhdon të jetë një lojtar i mirë, por jo si më parë”, tha ish-trajneri.
S.DH/ReportTv.al![](https://www.report-tv.al/template/img/antipiracynote.jpg)