Franca është jashtë Euro 2024, duke u eliminuar nga Spanja 2-1 në gjysmëfinale. Te "Gjelat" ka shumë të pakënaqur për minutat e pakta të marra në fushë, duke menduar edhe tërheqjen nga kombëtarja.
Sipas gazetës L’equipe, Kingsley Coman po mendon seriozisht t’i japë fund karrierës së tij ndërkombëtare, pasi ai ishte thellësisht i prekur nga koha e kufizuar e lojës që trajneri Didier Deschamps i dha në Euro 2024.
Në Evropian Coman luajti vetëm 15 minuta në fushë në barazimin kundër Holandës në fazën e grupeve (0-0) dhe më parë bëri përpjekje për t’u rikthyer nga një dëmtim i kofshës për të fituar një vend në listën e kombëtares për Kampionatin Evropian.
Gjithashtu, L’equipe shkruan se Coman nuk e ka pasur asnjëherë synimin për të luajtur futboll në nivel profesional për një kohë të gjatë dhe situata në Euro 2024 e ka sjellë edhe më afër tërheqjes, të paktën nga kombëtarja.
