Anglia humbi finalen e dytë radhazi në një Europian, duke e lënë me zero tituj të fituar kabinetin e tyre të trofeve për këtë event. Mbrëmjen e së dielës "Tre Luanët" u mposhtën 2-1 nga Spanja, ndërsa mediet në ishull nuk janë kursyer për të besuarit e Gareth Southgate.
Ja çfarë shkruajnë mediat angleze:
“The Guardian” shkruan në titullin e portalit “Goli i Mikel Oyarzabal thyen ëndrrat e Anglisë”.
Titulli i BBC-së thotë: “Anglia zemërthyer pasi Spanja shënoi golin e vonshëm për të fituar Euro”.
The Sun me titull: “ZEMRA LUANI” Anglia humbet finalen e Euro 2024, me dhimbje pasi Spanja shënoi golin e mundimshëm në fund për të fituar 2-1″.
Sky Sports kishte një titull të ngjashëm: “Oyarzabal thyen zemrën e Anglisë dhe Spanja fiton Euron”.
Metro ka shkruar në ballinën e sotme: “Luanët po qajnë sot”.
Mirror shkroi me shkronja të mëdha në faqen e parë “Të shpartalluar” dhe shtoi: “Pritja vazhdon pasi Spanja të fitojë finalen me një gol të vonë”.
Nga ana tjetër “Daily Express” ka shkruar me titull: “Ëndrra ka mbaruar, por a na bëri krenar kombëtarja?”.
The Telegraph rikujton gjithashtu se pritja për titull të ri vazhdon me titullin: “Dhimbja vazhdon”.
Në faqen e parë të Daily Mail shkruhet: “Tension i padurueshëm, goli i mrekullueshëm… por futbolli nuk kthehet në shtëpi”.
S.DH/ReportTv.al