Euro 2024 mbylli ndeshjet e Grupit A, me Gjermaninë dhe Zvicrën që kanë siguruar kalimin në fazën e 1/8. Ndërkohë Hungaria fitoi 0-1 kundër Skocisë dhe siguron tri pikë që i sjellin vendin e tretë dhe e mbajnë në lojë për kalimin më tej.
Zvicër1-1 Gjermani/ Në stadiumin e Frankfurtit vendasit e Nagelsmann u nderuan nga goli i Fullkrug në shtesë, teksa kundër Zvicrës dueli u mbyll 1-1. Ishin gjermanët që shënuan me Andrich pas 17 minutave lojë, por VAR anuloi gjithçka për faull. Pas këtij rasti Zvicra shtoi sulmet dhe shënoi me Ndoye, për ta mbyllur 1-0 pjesën e parë.
Në fraksionin e dytë loja ishte me raste, teksa duhej shtesa e dytë që Fullkrug të gjente golin e barazimit dhe t'i jepte gjermanëve një pikë për ta dërguar në vendin e parë me 7 të tilla. Ndërkohë Zvicra me pesë pikë mban vendin e dytë.
Skoci 0-1 Hungari/ Dramë në Stuttgart. Hungaria iu fal golit të Csoboth në minutën e 90+10 dhe shkon në kuotën e tri pikëve, duke qenë në garë për një vend në 1/8. Rezultat ky që nuk i duhej Shqipërisë që kërkon të jetë në garë për vendin e tretë në Euro 2024 në Grupin B. Skocia del kështu jashtë Euro 2024.
Veç lojës dhe rasteve, në stadiumin e Stuttgart pati edhe panik pasi në minutën e 70-të Varga i Hungarisë u përplas në zonë dhe u dërgua në spital.
Grupi B/ Ndeshjet e treta dhe të fundit në grup do vijojnë nesër me Grupin B. Në 21:00 luhen Shqipëri - Spanjë dhe Kroaci - Itali.
Si kualifikohet Shqipëria:
-Barazim me Spanjën: Humbje e Sllovenisë me dy ose më shumë gola nga Anglia; Disfatë e Serbisë nga Danimarka; Humbje e Çekisë përballë Turqisë; Humbje e Gjeorgjisë me Portugalinë.
-Fitore me Spanjën: Disfatë/Barazim i Sllovenisë; Disfatë/Barazim i Çekisë; Disfatë/Barazim; i Gjeorgjisë.
-Humbje me Spanjën: Shqipëria eliminohet.
Formacionet zyrtare të Zvicër 1-1 Gjermani:
Zvicër: Sommer, Schar, Akanji, Rodriguez, Ëidmer, Freuler, Xhaka, Aebichner, Ndoye, Emboli, Rieder.
Gjermani: Neuer, Kimmich, Rudiger, Tah, Mittelstadt, Andrich, Kroos, Musiala, Gundogan, Ëirtz, Havertz.
Formacionet zyrtare Skoci 0-1 Hungari:
Skoci: Gunn, Ralston, Robertson, McTominay, Hanley, McGinn, McGregor, Adams, Hendry, Gilmour, McKenna.
Hungari: Gulacsi, Orban, Szoboszlai, Kerkez, Schafer, Bolla, Styles, Varga, Sallai, Botka, Dardai.
Renditja e Grupit A:
Renditja e vendeve të 3-ta më të mira:
Një dëmtim i rëndë ka ndodhur në sfidën mes Skocisë dhe Hungarisë në Stuttgart. Sulmuesi hungarez, Barnabas Varga u përplas në zonë dhe ra menjëherë në tokë. Gjendja e tij dukej e rëndë, pasi lojtarët shkuan menjëherë ta mbulonin, ndërkohë që stafi mjekësor jepte ndihmën e parë. Më pas ai u shoqërua menjëherë me barelë jashtë fushe, duke u transportuar në spital. Tifozë të shumtë në stadium u përlotën. Në anën tjetër ndeshja rifilloi sërish pas transportimit të Varga jashtë stadiumit.
Nasty collision in the Scotland/Hungary match#SCOHUN #EURO2024 pic.twitter.com/JtwmW0FIA2
— Sideline Recaps (@SidelineRecaps) June 23, 2024
Komente
Kur nuk fituan me Kroacine do te fitoni me Spanjen Spanjollet e kane Shqiperine si buka qe hane.
Përgjigju