Këtë të martë është mbyllur faza e 1/8 në Evropianin "Gjermani 2024". Pas dueleve të fundit janë mësuar edhe tetë skuadra që do duelojnë në çerekfinale, teksa përballjet janë vërtet të forta.
Skuadrat çerekfinaliste: Spanja, Gjermania, Portugalia, Franca, Holanda, Turqia, Anglia, Zvicra
Ndërkohë që në çerekfinale janë katër duele. Gjithçka nis të premte në datën 5 korrik, ku në orën 18:00 luhet Spanjë - Gjermani. Përballja e Stuttgarit pa frikë mund të quhet si finale e parakohshme, ndërsa po atë ditë në orën 21:00 Portugalia luan me Francën në Hamburg.
Të shtunën e 6 korrikut në orën 18:00 luhet Angli - Zvicër në Dusseldorf, ndërsa në 21:00 përballen Holandë - Turqi në Berlin.
Ndeshjet çerekfinale të Euro 2024:
E premte, 5 korrik 2024
18:00 Spanjë - Gjermani
21:00 Portugali - Francë
E shtunë, 6 korrik 2024
18:00 Angli - Zvicër
21:00 Holandë - Turqi
S.DH/ReportTv.al