Lamine Yamal është padyshim lojtari që po i surprizon të gjithë në Euro 2024. Paçka se nuk ka mundur të shënojë me Spanjën e tij, sulmuesi i Barçës ishte deçiziv dje në fitoren e "Furisë së Kuqe" 4-1 kundër Gjeorgjisë dhe kalimit në çerekfinale ku i pret Gjermania.
Paçka se nuk "tundi rrjetën", Yamal vendosi një rekord. 16-vjeçari u bë lojtari më i ri që ka luajtur ndonjëherë në një ndeshje me eliminim direkt në fazën finale të Europianit.
Vetëm 16 vjeç e 353 ditë, anësori i djathtë, vendosi rekordin duke thyer atë të mëparshmin, që mbahej nga Jude Bellingham. Mesfushori anglez, në Euro 2020 zbriti në fushë në moshën 18 vjeç e 4 ditë.
Yamal tashmë është në kërkim të një tjetër rekordi, atë të lojtarit më të ri që shënon në Europian. Në rast se sulmuesi gjen rrugën e rrjetës në sfidën e radhës ndaj Gjermanisë, do të shkruante emrin e tij në historinë e Europianit, si lojtari më i ri që shënon në këtë kompeticion.
Komente
O GAZETAR A E DINI QE NE VILNUS TE LITUANISE PO ZHVILLOHET KAMPIONATI EUROPIAN I NOTIT PER TE RINJ DHE MER PJESE SHQIPERIA ME 5 NOTARE PO SI NUK I JEPNI ZE KETIJ EVENTI QE FILLOI SOT DHE ZGJAT 5 DITE
Përgjigju