Euro u dobësua në fillim të javës, mes shqetësimeve në rritje për përshkallëzimin e një mosmarrëveshjeje tregtare mes Shteteve të Bashkuara dhe disa vendeve të tjera.
Kursi i këmbimit ra në 1,0245 dollarë brenda natës, më shumë se një cent nën vlerën e mbrëmjes së të premtes.
Euro ka rënë nën presion që në fillim të nëntorit nga zgjedhja e Donald Trump si president i SHBA-së, kur tregtohej mbi 1,09 dollarë.
Tarifat e SHBA mbi 25% për importet nga Meksika dhe Kanadaja, megjithëse vetëm 10% për eksportet kanadeze dhe 10% për të gjitha importet kineze do të hyjnë në fuqi të martën, pasi Trump urdhëroi masat të shtunën.
Kur Trump u pyet të premten nëse do të vendoste tarifa edhe për produktet e importuara nga BE-ja, ai u përgjigj ”sigurisht”.
Komento
Komente
