Laçi merr një goditje të fortë në ndeshjen e parë të turit të dytë kualifikues të Europa League. Molde ka fituar me rezultatin e thellë 3-0 ndaj kurbinasve sfidën e parë që është zhvilluar në Norvegji. Skuadra norvegjeze e drejtuar nga ish sulmuesi i Manchester United, Solskjaer, kishte nivel shumë të të lartë se ajo shqiptare dhe dominoi ndeshjen që në fillim të saj, duke shënuar në minutën e 5-të me 11-metërsh me Haland. Në 24’ Molde shënoi edhe golin e dytë me Hestad. Laçi u përpoq që të reagonte me disa raste sporadike por pa sukses. Në pjesën e dytë Molde e menaxhoi mirë lojën duke arritur të shënojë edhe golin e tretë në 79’ me nigerianin James. Tashmë skuadrës kurbinase do t’i nevojitet një mrekulli për të përmbysur rezultatin e ndeshjes së parë në ndeshjen e kthimit në Shqipëri.
Komente
