EUROPOL shkatërron një rrjet që merrej me trafikimin e minorenëve, shfrytëzimin e tyre seksual, lypje të detyruar dhe punësim të detyruar. Në pranga 70 persona dhe janë shpëtuar 206 viktima, 53 prej tyre të mitur. Operacioni është udhëhequr nga Mbretëria e Bashkuar e ndërsa kanë marrë pjesë edhe 15 vende të tjera të Bashkimit Europian.
Ky operacion u zhvillua në datat 17-23 qershor të 2019 ku janë kontrolluar 127 mijë individë, 63 800 automjete dhe 1 100 vende mes tyre prona private, biznese, hotele, stacione trenash, aeroporte dhe vendet kufitare. Bëhet e ditur se 34 persona janë arrestuar për trafikim të qenieve njerëzore, e ndërsa 36 të tjerë për për grabitje, shfrytëzim seksual të fëmijëve dhe lehtësim të imigracionit klandestin. Siç njofton EUROPOL, janë shpëtuar 206 viktima, 53 të mitur teksa po punohet për identifikimin e tyre.
Në kuadër të këtij operacioni ishte përfshirë edhe një fushatë ndërgjegjësuese në shkolla për të informuar të miturit për rreziqet e trafikimit të qenieve njerëzore.
* Vendet që morën pjesë në operacion: Austri, Bullgari, Kroaci, Gjermani, Hungari, Islandë, Letoni, Lituania, Hollanda, Portugalia, Rumania, Sllovakia, Sllovenia, Spanja, Suedia, Zvicra dhe Mbretëria e Bashkuar.
Komente
