Janë gati 780 mijë shqiptarë që kanë marrë leje qëndrimi në një nga vendet e Bashkimit Europian dhe në Mbretërinë e Bashkuar gjatë periudhës 2008-2021.
Sipas të dhënave të Eurostat, është Italia shteti që kryeson me dhënien e lejeve për këtë periudhë, me 372 mijë lejë të dhëna, ose 47% e totalit.
Pas Italisë, vendin e dytë e zë Greqia, me 258 mijë leje të dhëna, ose 33% e totalit.
Në vendin e tretë vitet e fundit ka kaluar Gjermania, që ka dhënë gjithsej 53 mijë leje, ose gati 75 të totalit. Lejet e qëndrimit të dhëna nga shteti gjerman janë rritur vitet e fundit pasi shumë shqiptarë iu drejtuan Gjermanisë për të punuar, kryesisht mjekë, infermierë, punonjës të teknologjisë së informacionit etj.
Mbretëria e Bashkuar ka kaluar në vend të katërt, me rreth 20 mijë leje qëndrimi të dhënav, por për këtë shtet Eurostat raporton të dhënat deri në 2018-n. deri atë vit përgjithësisht jepeshin 2-3 mijë lejë në vit.
Pas këtyre katër shteteve renditet Franca, me 17 mijë lejë qëndrimi të dhëna gjithsej, ose 2.2% e totalit, Ndonëse Franca është më e preferuara për kërkesat për azil nga shqiptarët, duke u renditur e para vitet e fundit, duket se shteti francez edhe pse mund të mos I përzërë, sërish është ngurrues për të dhënë leje qëndrimi.
Belgjika, Suedia Kroacia, kanë dhënë në periudhën 2008-2021 rreth 7-9 mijë lejë qëndrimi, ndërsa shtetet e tjera më pak se 3 mijë leje gjithsej.
Edhe në vitin 2021, kur u dhanë në total 55 mijë leje nga shtetet e BE-së (pa Mbretërinë e Bashkuar) Italia ishte shteti më bujar, me gati 30 mijë leje, ose 54% të totalit, e ndjekur nga Greqia me 18%.
Por, ndërsa deri në vitin 2011 kishte një diferencë të lartë mes lejeve që jepeshin nga Italia dhe Greqia në raport me shtetet e tjera, vitet e fundit diferenca është ngushtuar dukshëm duke treguar një preferencë drejt shteteve të tjera, kryesisht Mbretërisë së Bashkuar dhe Gjermanisë (shiko grafikun: Lejet e qëndrimit dhënë në vite, sipas shteteve kryesore, 2008-2021)
Ikja vazhdon
Ikja e shqiptarëve drejt vendeve të Bashkimit Europian duket se nuk ka të ndalur.
Të dhënat e Eurostat tregojnë se në vitin 2021 janë dhënë 55.2 mijë leje qëndrimi për shtetasit shqiptarë në një nga vendet e BE-së.
Në krahasim me një vit më parë, kur ky process u bllokua nga pandemia, lejet janë rritur me 47%.
Që nga viti 2008, kur Eurostat raporton të dhënat, shtetet e BE-së kanë dhënë për shqiptarë gjithsej 756 mijë shtetas shqiptarë. Duke përfshirë dhe Mbretërinë e Bashkuar shifra arrin në rreth 780 mijë Nga institucionet ndërkombëtare, numri i lejeve të qëndrimit për shtetasit e një vendi llogaritet si emigracion.
Kjo shifër është gati sa 30% e popullsisë që vlerësohet që jeton aktualisht në Shqipëri./ Monitor
Komente
Por edhe nga 2000-2020 kane lindur 1 milion femije shqitpar që i bie automatikisht mbi 1 milion pasaporta të BE për femijet “neonati” në një nga vendet e BE ! Kam pershtypjen se nga mosha 16-45 vjec në shqiperi jane rreth 80-100,000 banore , pjesa tjeter nga 55-65 nuk emigrojne se jane në pune dhe presin pencionin dhe pjesa mbi 65 vjec edhe Sikur të hapet neser BE dhe USA nuk levizin se jane pencionist vetëm thojne duam 30€ pension me shume pra pensionit tju bëhet 300-400€/muaj ! Me pak fjale edhe Sikur të hyje neser në BE shqiperia nuk ka me shume sesa 100,000 individe “potenciale” që mund të ikin ne BE për pune , shkolle apo biznes! Pjesa tjeter ka ikur tashme !
Përgjigju