Pas ultimatumit që qeveria u vendosi bizneseve për të deklaruar pagat reale të punonjësve deri në 20 janar të këtij viti, vetëm 1/3 e tyre kanë reaguar. Sipas informacioneve nga Ministria e Financave janë rreth 30% e bizneseve që kanë marrë letrën nga administrata tatimore, që kanë rritur pagat e punonjësve me mesatarisht 9,500 lekë.
Administrata tatimore dërgoi rreth 10,500 letra, me anë të të cilave u kërkonte bizneseve të korrigjonin pagat e punonjësve dhe të deklaronin ato reale, dhe praktikisht rreth 3 mijë prej tyre i janë përgjigjur kësaj thirrjeje. Nga ana tjetër kanë reaguar edhe bizneset që nuk kanë marrë letrën këshilluese, 25% e të cilëve i rritën pagat e punonjësve deri në 20 janar.
Bizneset që nuk kanë reaguar pozitivisht pas kësaj thirrjeje, do të bëhen pjesë e kontrolleve të thelluara dhe nëse vërtetohet shkelja, do të ndëshkohen.
Ky ultimatum u vendos nga qeveria pas zbulimit të skandalit të databazës së pagave, ku doli në dritë edhe evazioni fiskal që kryhej nga bizneset me deklarimin e pagave të punonjësve.
Muaji shkurt nga Financat konsiderohet si periudha e hetimit, kryeja e analizave të thelluara nga zyra, ndërsa në mars nisin kontrollet në terren që do të zgjasin për rreth 1 vit. Duke ju referuar ligjit për Procedurat Tatimore, nëse bizneset bëjnë deklarim të pavërtetë të pagës, ndëshkohen me gjobë në masën 100% të detyrimit dhe kontributit të llogaritur. Po në të njëjtin ligj evazioni tatimor konsiderohet vepër penale, në rastet kur mashtrimi bëhet qëllimisht, dhe dënohet me burg
Komente
ok, po burgjet duhet te behen me turne, mundesisht me 4 turne, dhe gjithashtu te marrim me qera burgjet e gjysmes se Europes. Pyetje: Po qeveria nuk i kishte pare me pare deklarimet e pagave? nese po a ka ligj qe i denon per mosveprim? nese jo a ka ligj qe i denon per mos kryerjen e funksionit? Tung
Përgjigju