Fëmijët shqiptarë, të cilët aderojnë në akademinë e futbollit ‘Dyrrah City’, do të kenë mundësinë në muajit në vijim të provojnë veten në grumbullimet më të mëdha të organizuara nga klubi gjigand i Manchester Cityt. Fillimisht të vegjëlit e apasionuar pas lojës më të dashur në botë do të marrë pjesë në shkurt në kompeticionin Abu Dhabi Cup, ku gjithsej prezentë janë 128 ekipe nga 13 vende të ndryshme të botës. Mes të cilëve edhe ‘Dyrrah City’.
Në total do të testohen 1722 lojtarë në akademinë e Manchester City dhe ku talentet nga Shqipëria do të kenë një vëmendje të veçantë. Në “zborin” 3 ditor në Abu Dhabi, lojtarët tanë do të masin forcat me ekipe të forta të globit, në kompleksin “Zayed Sports City”, që përfshin një stadium prej 50 mijë vendesh.
Por jo vetëm kaq. ‘Dyrrah City’ do të jetë prezent edhe në Manchester, për një turne përgatitor pranë “Citizens” me trajnerë të kualifikuar pranë klubit që ka pushtuar futbollin në Angli dhe jo vetëm. Vizita studimore për ekipin shqiptar do të jetë pjesë edhe e e agendës së Manchester City, me njohjen nga afër të metodave “Pep Guardiola” dhe turin miqësor në fushë.
Komente
