Aktivistja Evi Kokalari shkruan se në dëshminë e tij në Kongresin amerikan, Tyler O'Neill, që përmendi edhe rastin e Sali Berishës, i referohet një gazetareje dhe një faqeje që e nxjerr veç portali i kreut të PD-së.
Sipas postimit të saj të radhës në Facebook, ai nuk kishte asnjë fakt për “puçin sorosian” ndaj Berishës, por thjesht iu referohej disa shkrimeve.
Ajo e quan përpjekje të Berishës për të fshehur korrupsionin e tij në qeverinë amerikane, duke përdorur DOGE nëpërmjet një gazetareje të paguar. Dhe lajmëron se së shpejti DOGE dhe Taylor Greene do i dërgohet një letër shpjeguese, që “të mos bazohen te gënjeshtrat e Berishës”.
Postimi i plotë i Evi Kokalarit:
“Më poshtë gjeni dëshminë e plotë e Tyler O'Neill në Kongres, ku qartazi shkruan se informacioni për Berishën është marrë nga një artikull i Tiana Lowe Doescher, të Washington Examiner.
Tiana, që deri dje në bio e saj kishte 'analist ekonomik', është ngritur profesionalisht, falë artikullit të saj për Berishën. Tiana gjithashtu i është drejtuar SPAK si organizate kriminale, të njëjtat fjale që Berisha ka përdorur nëpër media.
Gjithsesi, një letër shpjeguese do e ketë në dorë nesër Marjorie Taylor Greene, që në të ardhmen DOGE dhe komiteti i saj në Kongres, mos bazohet tek gënjeshtrat e Berishës.
DOGE po bën punë fantastike për të pastruar korrupsionin në qeverinë amerikane dhe nëse Berisha mendon se do fshehë korrupsionin e tij nëpërmjet DOGE, realisht më duhet të them se është 'delusional'”.
Postimi i Evi Kokalarit në Facebook
Komente
