Rrjeti social “Facebook” rrezikon të paguajë një çmim të lartë për sulmin e hakerëve të pësuar në ditët e fundit, gjë që ka ndikuar në rreth 50 milionë profile.
Bëhet e ditur se sipas “Wall Street Journal”, rrjeti social mund të paguajë një gjobë prej 1.63 miliardë dollarë në Evropë.
Mirëpo Komisioni Irlandez për Mbrojtjen e të Dhënave, i cili është autoriteti kryesor për privatësinë në Facebook, ka kërkuar në ditët e fundit sqarime mbi natyrën e sulmit.
Ndërsa gjoba do të vihej për “Facebook” nëse autoritetet do të gjenin ndonjë shkelje të standardeve evropiane.
Shqetësimi është se sulmi u zbulua të martën dhe goditi miliona llogari, por “Facebook” nuk është në gjendje të sqarojë natyrën e tij dhe rreziqet që ekzistojnë në këtë moment për klientët.
Kanë njoftuar autoritetet irlandeze.
“Pyetja është, se si “Facebook” paraqet të dhënat dhe i bën ato të aksesueshme”, thotë Christopher Wylie, zbuluesi pas skandalit Cambridge Analytica, disa ditë më parë në Wired Next Fest në Firence.
Komente
