Facebook tërhiqet nga ideja e rritjes së përfitimeve duke shitur reklama në WhatsApp.
WhatsApp-i së fundi shpërndau skuadrën e formuar për gjetjen e mënyrave më të mira për integrimin e reklamave në këtë program, duke fshirë gjithë progresin e arritur nga kodi i këtij aplikacioni.
WhatsApp-i si rrjet social u ble nga Facebook me një shumë prej 22 miliardë dollarësh në vitin 2014. Hedhja poshtë e idesë së përdorimit të reklamave për të nxjerrë përfitime, e “detyron” këtë rrjet social të paguajë dividentë financiarë, pavarësisht se shërbimi përdoret nga më shumë se 1.5 miliardë njerëz globalisht.
Krijuar në vitin 2009, WhatsApp fitoi para fillimisht nga tarifat e shkarkimit dhe më pas nga një abonim vjetor prej 0,99 dollarësh, por Facebook e bëri falas platformën pasi e bleu atë. Në 2018 Facebook zbuloi planet për të gjeneruar më shumë të ardhura nga aplikacioni përmes shitjes së reklamave.
Një vit më parë, shefi ekzekutiv i atëhershëm i WhatsApp, Chris Daniels, i quajti reklamat një "mënyrë parësore të fitimit të parave" për kompaninë. Facebook zbuloi zyrtarisht prototipet në majin e kaluar për reklama në Statuset e WhatsApp, të cilat momentalisht janë të ngjashme me Stories në Instagram për nga kohëzgjatja. Mirëpo, mesaduket një metodikë e tillë nuk do të përdoret as tani dhe me shumë gjasa as në të ardhmen, duke synuar të mos bëjë “prova” për shkak të numrit të lartë të përdoruesve.
Komente
