.jpg)
Në vizitën e zhvilluar sot te familja Dervishi, në fshatin Stërmas të Petrelës, e cila futet në një banesë të re pasi u prish nga tërmeti një vit më parë, Kryeministri Rama dhe kryebashkiaku Veliaj i dorëzuan dokumentet e shtëpisë së re.
Kryetari i Bashkisë Tiranë, Erion Veliaj u shpreh se aktualisht në Tiranë janë 1500 shtëpi në proces rindërtimi dhe mbi 1000 familje do ta festojnë Vitin e Ri në strehën e re, ndërkohë që deri në pranverë thuajse të gjitha banesat individuale do të jenë përfunduar.
“Pjesa më e madhe e shtëpive do të përfundojnë para Vitit të Ri. Nuk kemi lënë asnjë familje pas. Në total, në Tiranë janë në proces rindërtimi 1500 shtëpi”, tha Veliaj.
Familja Dervishi falënderoi Bashkinë e Tiranës për vëmendjen e treguar që në momentet e para pas tërmetit dhe gjer në dorëzimin e çelësit të banesës së re.
Lajmi kryesor:
Rindërtimi pas tërmetit të 26 nëntorit/ Rama në Petrelë e Stermas në Tiranë, rindërtohet shkolla dhe shtëpi për familjet e dëmtuara
K.T./ReportTv.al