Pragu i vitit të ri. Në një rrugicë të qetë të rrugës Taxiarcho në Moschato, një zonë periferike të shtrenjtë në jug të Athinës, dritat shumëngjyrshme japin hijen e tyre festive. Asgjë nuk mund të parashikojë që vetëm pak pas orës 10 të natës rruga do të mbushej me gjak, policë dhe ambulanca. Një "hije" del para një 41-vjeçari gjeorgjian dhe e qëllon pa mëshirë pesë herë para syve të bashkëshortes dhe vajzës së mitur. "Sotiko" ka vdekur. Mafia gjeorgjian sapo ka ekzekutuar një tjetër "kontratë vdekjeje", këtë me viktimë, një prej anëtarëve me famkeqe të saj.
Policia greke flet për rreth 100 "fantazma" gjeorgjiane që vitet e fundit jetojnë dhe "qarkullojnë" në Greqi. Disa janë të përfshirë organizata kriminale, të tjerë kanë gjetur "strehë", deklarojnë rregullisht të ardhurat dhe shpresojnë se miqtë e tyre të vjetër i kanë harruar ekzistencën. Fatkeqësisht, nata dhe mafia mizore gjeorgjiane nuk harron, nuk jep dhe nuk fal!
Kështu u vendos të vritej edhe "Sotiko", në një ditë simbolike dhe para familjes së tij, duke thyer një nga "ligjet" e pashkuraura të mafias që "Askush nuk duhet të vritet përpara bashkëshorteve dhe fëmijëve".
Mafia gjeorgjiane, sipas hartës së bërë nga oficerët e Sigurimit, është kryesisht aktive në grabitje – vjedhje, grabitje, trafik droge dhe armësh, kazino dhe prostitucion duke u përplasur shpesh edhe me grupet e tjera, siç janë ato greke, bullgare dhe shqiptare.
Lufta e mafias gjeorgjiane
Grupet mafioze të Tbilisit dhe Kutaisit konsiderohen si më të ashprat në Evropë.
Dy bandat kanë një strukturë të rreptë hierarkike dhe janë të ndara në nëngrupe të drejtuara nga një anëtar i shquar i mafias gjeorgjiane. Ky është një njeri që ka qenë në burg dhe nuk ka bashkëpunuar asnjëherë me autoritetet apo me ndonjë mafie rivale. Në të njëjtën kohë, ai duhet të ketë dëshmuar përveç besimit dhe aftësitë e tij drejtuese në ilegalitet. Atëherë dhe vetëm atëherë mund të quhet “Vof V Zakone” që do të thotë “Bandit i ligjëruar”.
Termi “Vor V Zakone” është përdorur për herë të parë gjatë sundimit të Josif Stalinit në Bashkimin Sovjetik të atëhershëm. Një periudhë kur “gulagët” famëkeq u mbushën me “banditë”, të cilët më pas u bashkuan si shoqëri për dominimin e tyre brenda burgjeve.
Ligji i pashkruar kërkon që më të fuqishmit “Vor V Zakone” të mos kenë kurrë familje, sepse familja e tyre e vetme është mafia dhe grupi i tyre. Sipas mediave ndërkombëtare, drejtuesi i mafias së Tbilisit është 68-vjeçari Zakhariy Kalashov, i njohur edhe me pseudonimin “Shakro i ri”, ndërsa 70-vjeçari Tariel Oniani është kreu i mafias “Kutaisi”.
Termi "Vor V Zakone" është përdorur për herë të parë gjatë sundimit të Josif Stalinit në Bashkimin Sovjetik të atëhershëm. Ligji i pashkruar kërkon që më të fuqishmit “Vor V Zakone” të mos kenë kurrë familje, sepse familja e tyre e vetme është mafia dhe grupi i tyre. Sipas mediave ndërkombëtare, drejtuesi i mafies Tbilisi është 68-vjeçari Zakhariy Kalashov, i njohur edhe me pseudonimin “Young Shakro”, ndërsa 70-vjeçari Tariel Oniani është kreu i mafies Kutaisi.
Çfarë simbolizojnë tatuazhet?
Një tipar tjetër i mafies gjeorgjiane janë tatuazhet, të cilat simbolizojnë pranimin e një anëtari dhe janë diçka si… medalje , kështu që ai të njihet menjëherë nga anëtarët e botës së krimit.
Për shembull, dy yjet me tetë cepa mbi supe tregojnë se “Vor V Zakone” nuk ka asnjë punë dhe përgjegjësi tjetër mbi supe, përveç grupit që drejton dhe mafies në të cilën ai bën pjesë. Në të njëjtën kohë, të njëjtat yje, në gjunjë, tregojnë se njeriu që i vesh nuk është gjunjëzuar kurrë para asnjë policie, burgu apo shërbimi sekret, përveç mafies.
Megjithatë, tatuazhet nuk janë gjithmonë një titull. Në disa raste, ato simbolizojnë edhe dënimin për një anëtar që ka shkelur ligjet e pashkruara të mafias gjeorgjiane. Për shembull, nëse dikush ka borxhe nga lojërat e fatit që nuk mund t’i shlyejë, stigmatizohet me forcë. Në disa raste, në fakt, dënimi është më i ashpër: nga gjymtimi deri në vrasje!
