Henri 7 vjeç dhe Sindrit 8 vjeç kanë kryer klasën e parë, por ata ndryshe nga fëmijët e tjerë kanë nevojë për përkujdesje të veçantë. Fëmijët e familjes Hoxha në fshatin Mazhë e Vogël të Fushë-Krujës, janë të dy me autizëm.
Nëna, Fatimja rrëfen vështirësitë e mëdha, ndërsa kërkon që dy djemtë t'i dërgojë në një qendër trajtimi në kryeqytet.
"Këta kanë nevojë për terapi të përditshme, por unë s'kam mundësi ti paguaj. Vetë pa punë dhe burri pa punë. Kur mërziten bëhen agresivë...", shprehet Fatime Hoxha.
Mundësitë ekonomike e sociale për këtë familje janë të pakta, pasi edhe babai i fëmijëve është invalid. Edhe pse një sociologe u shkon vazhdimisht në shtëpi, Fatimja thotë se fëmijët kanë nevojë për trajtim më të specializuar.
Apeli i nënës së fëmijëve, Fatime Hoxha përmes Report TV: "Ju bëj apel kush ka mundësi të më ndihmojë që t'i çoj fëmijët për trajtim në Tiranë!"
(Numri i telefonit, vënë në dispozicion nga familja Hoxha: 0685807180)
