POGRADEC- Një familje në qytetin e Pogradecit është zgjuar mëngjesin e kësaj të shtune nga eksplozivi. Report Tv mëson se shtëpinë e 53-vjeçarit të identifikuar si Petrit Çekiçi, i ishte vënë një sasi lëndë plasëse.
Referuar burimeve zyrtare, lënda plasëse nuk ka qenë në sasi të madhe, e për pasojë fatmirësisht nuk ka pasur të lënduar apo dëme materiale.
Report Tv mëson Petrit Çekiçi nuk është me precedentë penalë, por 2 djemtë e tij kanë patur konflikt me persona të tjerë me precedentë. Ndërkohë nipi i Petrit Çekiçit, ka vrarë në 2014 një shtetas me mbiemër Hoxhallari dhe fillimisht u dyshua Petriti si autor nga familjarët e Hoxhallararit, por nga hetimet nuk rezultoi ai.
Këto mund të jenë 2 pistat e mundshme, por më tepër gjasat janë për konfliktet e djemve të tij.
