Anyang, Kore e Jugut - Jasir Asani është treguar vendimtar në fitoren 1-2 të Gwangju në transfertën kundër Anyang, e vlefshme për raundin e 21-të në elitën e futbollit të Koresë së Jugut. Gol dhe asist nga sulmuesi anësor i Kombëtares që po tregon cilësi në fushë.
Ndeshja nisi mirë për miqtë, ndërsa pas vetëm 12 minutash Jasir Asani u kthye në rolin e 'kamerierit' duke shërbyer për Shin Chang-Moo, me këtë të fundit që e ndali sferën në rrjetë.
Në fundin e pjesës së parë, Shin Chang-Moo i 'ktheu nderin' Jasir Asanit, me mëngjarashin shqiptar që e ndali sferën në rrjetë për herë të gjashtë këtë sezon në kampionat dhe për herë të 15-të në të gjitha kompeticionet. Veç golave Jasiri ka dhënë edhe tre asiste këtë sezon.
Komento
Komente
