"Evolutionyachting.co", faqja prestigjioze ndërkombëtare turistike, e specializuar sidomos për jahtet ka publikuar një artikull promovues për Shqipërinë. Për sezonin e sivjetshëm veror ajo nënvizon se vendi ynë është gati për të pritur pushuesit e ndërsa thekson me interes për të vizituar dhe pushuar Sarandën, Gadishullin e Karaburunit dhe Gjirin e Porto Palermos. Duke iu referuar situatës së koronavirusit, evolutionyachting.co thotë se Shqipëria shkallë shumë të ulët të infeksioneve me COVID-19.
Në Shqipëri jeta është në rrugën e duhur për t’u rikthyer në normalitet, restorantet dhe baret tashmë kanë hapur tarracat e tyre në natyrë dhe plazhet e hoteleve do të jenë të gatshme për t’iu pritur që nga 1 qershori, shkruan faqja e njohur ndërkombëtare turistike, e specializuar sidomos për jahtet, evolutionyachting.co.
”COVID-19 duket se është nën kontroll në të gjithë Europën. BE dhe qeveritë kombëtare po punojnë se si të rihapin kufijtë e tyre dhe të fillojnë të stimulojnë turizmin e verës. Ka shumë konfuzion, por ne jemi këtu për t’ju ndihmuar të merrni vendime të informuara se ku të lundroni këtë sezon. Me zyrat tona në 9 shtete në të gjithë Mesdheun, ne do të botojmë “gazeta” javore që do t’ju japim udhëzimet më të fundit për COVID-19 të vendit ku do të shkoni”, shkruan evolutionyachting.co.
”Shqipëria ka pasur një shkallë shumë të ulët të infeksioneve me COVID-19 me vetëm 1 076 raste dhe 33 vdekje deri më sot.
Vendi zbatoi masa të rrepta bllokimi që mbeten në fuqi deri në fund të kësaj jave. Aktualisht, jahteve u lejohet të hyjnë në Shqipëri me miratim paraprak.
Kryeministri Edi Rama njoftoi se që nga 1 qershori, vendi do të hapë kufijtë për biznesin dhe turizmin, që do të thotë se jeta është në rrugën e duhur për t’u rikthyer në normalitet. Restorantet dhe baret tashmë kanë hapur tarracat e tyre në natyrë, dhe plazhet e hoteleve do të jenë të gatshme për t’iu pritur që nga 1 qershori dhe me hapjen për publikun që nga data 10 e po këtij muaji”, shton ajo.
Ku të shkoni?
Sarandë
”Saranda është natyrisht me interes parësor. Mund të siguroni naftë dhe lubrifikante pa taksa si për jahte komerciale ashtu edhe për ato dhe private.
Gadishulli i Karaburunit
Gadishulli i Karaburunit ka shumë për t’u ofruar jahteve. Plazhet e vogla si ai i Arushës, i Gramës dhe i Dafinës dallohen për ujërat e kristalta dhe shpellat, veçanërisht “Shpella e skllevërve”. Në anën veriore, Shpella e Haxhi Aliut është shpella më e madhe në det me një thellësi 18 metra dhe lartësi prej 30 metrash që lejon vizitat me anije. Ana perëndimore e Karaburun është një nga pikat më tërheqëse në bregdetin shqiptar për dashamirët e zhytjes.
Gjiri i Porto Palermos
Gjiri i Porto Palermos është një nga gjiret më të bukura të bregdetit jonian, që ndodhet në veri të fshatit Qeparo. Kalaja e Ali Pashait mbi istëm, thuhet se është ndërtuar nga Ali Pasha për nder të bashkëshortes së tij, Vasiliqisë në shekullin XVIII. Ky monument i shquar mund të shihet nga të gjitha këndvështrimet, por më së miri mund të shihet nga kuverta e pasme e jahtit, në një mëngjes të qetë. Këtë zonë mund ta ndash vetëm me peshkatarët e çuditshëm vendas dhe me gjithë çka ata kanë peshkuar gjatë ditës!”, përfundon faqja e njohur ndërkombëtare turistike, e specializuar sidomos për jahtet, evolutionyachting.co.
Porto Palermo
Komente
Shume ide e mire ,vetem shteti te sigurohet qe te mos ndotin detin e te qendrojne larg lagunave e zonave te mbrojtura si dhe larg zonave te plazhit ku ka notare,se mund te bejne aksidente.Gjithashty shteti tu marre qera te mire,12.000 $ ne muaj kushton te parkosh nje jaht te vogel ne oqean te Marina e New York .Tani shteti te mos marre kaq qera te larte sepse njelloj do paguaj si I huaji,si shqiptari ne varesi te madhesise se jahtit,por asgje nuk duhet te jete me pak se 5000-7000$ ne muaj per me te vegjelit.
PërgjigjuE pakan rregulluar me nje fjale. Qe te huajt me jahte te shkojne ne plazhet e Shqiperise, me karburant te lire e plazhe bosh. Se medemek shqiptaret do ti pengojne...
Përgjigju