Ndërsa seancat në Gjykatën e Posaçme për dosjen e masakrës së Gërdecit shtyhen me procedurë për shkak të mungesave të tij, Fatmir Mediu endet rrugëve në SHBA në kërkim të “drejtësisë”.
Depueti republikan deklaron se udhëtoi për në SHBA për një vizitë, ku u ankua edhe për drejtësinë, në disa takime që pati me zyrtarë amerikanë në Uashington.
Media ka bërë sot (17 qershor) një postim në rrjetin social Facebook, ku publikon edhe një set fotografik me takimet që ka pasur në shtrëngime duarsh, por që nuk dihet nëse u ka thënë se ka braktisur gjyqin për këto “negociata”.
"Gjatë vizitës në Washington DC javën e kaluar, pata kënaqësinë të zhvilloja një darkë pune me Asistent Prokurorin e Përgjithshëm të SHBA z. Aaron Reitz, me të cilin diskutuam për nevojën e një drejtësie të pavarur në Shqipëri, e cila nuk përdoret për qëllime politike, drejtësi që respekon Kushtetutën, sigurinë juridike dhe një proces të drejtë ligjor.
Zhvillova takime në Kongres me kryetarin e Komisjonit për Europën Keith Self, Kryetarine grupit për Shqipërinë Robert Aderholt, Kongresmenin Pete Session kryetar i N/Komisjonit për politikat e qeverisë, anëtarin e Komisjonit të Drejtësisë Kongresmenin Lance Gooden, Kongresmenin Mark Vasey, në të këto takime bëra prezent dhe informova për problemet e manipulimit të zgjedhjeve dhe farsën elektorale në Shqipëri, bashkëpunimin e qeverisë me krimin e organizuar në blerjen e votave dhe intimidimin e votuesve. Të gjitha këto vlerësime janë bërë publike nga institucionet ndërkombëtare të monitorimit të zgjedhjeve", shkruan ai në profilin e tij në FB.
Seancën e kaluar Mediu mungoi në procesin e Gërdecit ku ndodhet i pandehur për shpërdorim detyre, pasi njoftoi se gjendej në SHBA dhe GJKKO u detyrua që ta shtynte. Seanca në GJKKO për masakrën e Gërdecit është shtyrë për në datën 18 qershor.
Komente
