Zëdhënësja e PD, Ina Zhupa ka hedhur të tjera akuza mbi n/kryetarit të bashkisë së Tiranës, Arbi Mazniku për faturat në Barcelonë që sipas PD janë paguar nga kompania 'Fusha' në mënyrë që të favorizohet tek marrja e tenderave në bashkinë e Tiranës. Sipas Zhupës edhe pse Prokuroria ka nisur verifikimet për denoncimin e bërë, thjeshtë po përdoret si vegël për të mbyllur debatin publik dhe çështjen ligjore të anëtarëve të asaj që ajo e quan banda e Edi Ramës.
Ndër të tjera Zhupa e paralelizon rastin në fjalë me vdekjen tragjike të Ardit Gjokljat në landfillin e Sharrës. Sipas saj hetimi për faturat e luksit të Maznikut do të kenë të njëjtin fat si hetimi i Veliajt për vdekjen e Ardit Gjoklajt.
"Prokuroria si vegël për të mbyllur debatin publik dhe çështjet ligjore të anëtarëve të bandës së Edi Ramës.
Mediat thonë se prokuroria ka nisur hetimet për Maznikun e bashkisë. Deri me sot nisja e hetimeve nga prokuroria ka patur për qëllim mbylljen e debatit publik fillimisht e me pas ate juridik me deklarimin e pafajshem ose në mos gjykim për procedurë.
Prandaj këto pseudo nisje hetimesh deri me sot kanë rezultuar flluske e madhe...
Njesoj si Fusha prokuror mbyllte ceshtjen e Veliajt “ vrases” te Ardit Gjoklajt,sot PPP e Rames do ta mbylle PPP-ne, Fusha- Mazniku. Sot ende kemi pa asnjë rezultat hetimet për unazën, hetimet për uniformat e policisë bashkiake, etj etj.
PPP e Rames mund ti zvarris, te tentoje ti prish perkohesisht por asnje ceshtje nuk do te harrohet e nuk do te kaloje pa u gjykuar!" ka shkruar në reagimin e saj Zhupa.
Komente
