Nga dita e sotme (1 Maj) nuk do të funksionojnë 9 Gjykata të Shkallës së Parë në rrethe dhe 9 prokuroritë bashkëngjitur këtyre rretheve gjyqësore. Ky është plani që vihet në zbatim në kuadër të fazës së dytë të implementimit të hartës së re gjyqësore.
Gjykatat e shkallës së parë riorganizohen dhe nga sot do të mbetën vetëm 13 gjykata nga 22. Gjykatat e Shkallës së Parë që mbyllen janë në Tropojë, Mat, Kurbin, Krujë, Pukë, Lushnje, Kavajë, Përmet dhe Pogradec. Së bashku me to, pushojnë së ekzistuari edhe prokuroritë përkatëse të këtyre rretheve gjyqësore.
Pas kësaj faze, dosjet e gjykatës së Tropojës transferohen në Kukës, të Matit në Dibër, të Kurbinit në Lezhë, të Pukës në Shkodër, të Krujës në Tiranë, të Kavajës në gjykatën e Durrësit, të Lushnjes në Fier, të Përmetit në Gjirokastër dhe të Pogradecit në Korçë.
Faza e parë u aplikua në muajin shkurt kur nga 6 apele që ishin në të gjithë vendin, u vendos reduktimi në një Apel kombëtar. Në këtë mënyrë, u shkrinë gjykatat e Apelit në Shkodër, Vlorë, Durrës Korçë dhe Gjirokastër duke bërë që të gjitha dosjet të transferohen në Tiranë.
Faza e tretë do të hyjë në fuqi më 1 korrik të këtij viti kur parashikohet reduktimi i të gjitha gjykata administrative në dy, një në Tiranë dhe një në Lushnjë.
Harta e re do të funksionojë me 16 gjykata në total, 13 të Shkallës së Parë, 1 Gjykatë Apeli dhe 2 gjykata Administrative. KLGJ shkriu 18 gjykata, duke reduktuar gjykatat e Apelit në një të vetme në Tiranë, nga 5 gjykata Administrative do jenë në vetëm dy, në kryeqytet dhe në Lushnje, ndërsa nga 22 që ishin, me hartën e re, nga 1 maji do të jenë vetëm 13 gjykata të Shkallës së Parë.
Që prej kësaj të hëne Gjykata dhe Prokuroria e Kurbinit do të jenë jashtë funksioni. Me hyrjen në fuqi të pjesës së dytë të hartës së re gjyqësore, këto institucione të drejtësisë janë zhvendosur në Lezhë, ku janë transferuar plot 1600 dosje.
Zbatimi i këtij vendimi nuk është pritur aspak mire nga Dhoma Vendore e Avokatisë në Lezhës, sipas të cilëve mungesa e institucioneve të drejtësisë do të paralizojë mijëra banor të Kurbinit të cilëve ju duhet të udhëtojnë drejt Lezhës për të marrë shërbime.
Me hartën e e re gjyqësore qarku i Lezhës do të ketë vetëm 1 gjykatë dhe prokurori, por ambientet e kufizuara dhe numri i ulet i gjyqtareve dhe prokurorëve pritet të krijojë kaos dhe vonesa në sistemin e drejtësisë.
Me shkrirjen e 9 gjykatave të Shkallës së Parë, me implementimin e Hartës së re Gjyqësore, edhe prokuroritë e 9 rretheve gjyqësore janë transferuar.
Përmes një vendimi të marrë më 24 prill KLP ka miratuar zhvendosjen e prokurorëve.
Komente
1600 dosje vetem nga nje furik pulash si Kurbini,imagjinoni sa dosje do te grumbullohen ne qytetet e medha,pa llogaritur ato te tyret te meparshmet dhe sa shtohen cdo dite!Ju kujtohet ai buri qe morri peng keto dite njerin nga keta te drejtesise per nje ceshtje prone qe kishte 7 vjet qe po i zvarritej,ju kujtohet sa here degjojme per seanca te shtyra per 100 arsye e mosarsye,jane shpenzime dhe keto,qe mund te jene asgje per familjen e nje gangoje te pasuruar me krime,por jane shume per njerez te thjeshte e te ndershem.Kesaj ideje te keqe do t'i dale tymi i deshtimit shume shpejt dhe koka kane per t'u rrokullisur ne fund,por nje pyetje kam:Po me prokurorite c'patet?!
PërgjigjuMe mire pak e sakte se sa shume e per lume, mba gjykata kot neper rrethe qe njiheshin nga te gjithe dhe ne rrezik kercenimi e korrupsioni jane, keshtu te pakten nje apel ne Tirane, shteti do te kete me shume mundesi per ta mbrojtur blinduar,hajde ,le te shpresojme
PërgjigjuTani do dyfishohen cmimet e kostot e gjerave me preteksin se do rritet koficenti drejtesis ne funksion te zbatimit te ligjit ishte mire e merje drejtesin pas vdekjes psh vendimi tipik shqiptar ne gjykata fajn e ka Ai qe vdiq po tani as pas vdekjes nuk behet fjal do vej tjetri nga permeti ne tiran per nje ceshtje administrative 500 vlera e te dr 50 seanca te zhvilluara kjo eshte manover per te mbuluar reformen ne drejtesi qe eshte nje deshtim...i hapur pasi ka rritur stokun e ceshtjeve ..edhe nuk ka shenja per te zhvilluar. Hapa qe japin drite jeshile
Përgjigju