Stadiumi i 'Rajko Mitić' në Beograd

Sport

Federata Serbe zbulon stadiumin ku do të presë Shqipërinë më 11 tetor! Sfida do të luhet në 'Rajko Mitić', më i madh në Serbi

Federata Serbe ka zyrtarizuar se ndeshja Serbi-Shqipëri më 11 tetor do të luhet në stadiumin “Rajko Mitić” në Beograd, impianti më i madh në vend me 51,755 vende dhe shtëpia e Crvena Zvezdës. Kjo përballje, ndryshe nga ajo e vitit 2014 që u zhvillua në stadiumin e Partizanit, këtë herë do të luhet në një ambient modern dhe me kapacitet më të lartë.

12 Qershor, 17:46| Përditesimi: 12 Qershor, 17:58

  • Share

Federata e Futbollit e Serbisë ka njoftuar zyrtarisht se ndeshja kualifikuese mes Serbisë dhe Shqipërisë, e vlefshme për eliminatoret e Kupës së Botës 2026, do të zhvillohet më 11 tetor në stadiumin “Rajko Mitić” në Beograd.

Me një kapacitet prej 51.755 vendesh, “Rajko Mitić” është stadiumi më i madh në Serbi dhe shtëpia e klubit Crvena Zvezda, ndryshe i njohur si ‘Ylli i Kuq i Beogradit’. Ndeshja krahasuar me vitin 2014, mes Serbisë dhe Shqipërisë u zhvillua në stadiumin e Partizanit të Beogradit, kurse këtë rradhë është zgjedhur një stadium i nivelit të lartë, thuhet në njoftimin e federatës serbe. 

Në të njëjtin stadium do të luhet edhe ndeshja ndaj Anglisë më 9 shtator, ndërsa sfida përmbyllëse e grupit ndaj Letonisë, më 16 nëntor, do të zhvillohet në stadiumin “Duboçica” në Leskovc.

H.K/SI.E./ReportTv.al
Komento

Komente

  • une: 13/06/2025 11:35

    Po mire edhe Stadiumi jone ishte me i madhi ne Shqiperi, keshtu qe cdo gje eshte mire. Po na rrespektojne me nje stadium te mire. Bejme mire edhe ne te rrespektojme veten me nje Fitore atje.

    Përgjigju
  • Sondazhi i ditës:

    Jeni dakord me kërkesën e gjyqtarëve për rritje të pagës me 700 euro?