Federata e Peshëngritjes Shqiptare ka zgjedhur sot presidentin e ri. Pas dorëheqjes së Elez Gjozës rreth 2 muaj më parë dhe pas shumë problemeve, Theodhor Masllavica zgjidhet në krye të Federatës Shqiptare të Peshëngritjes.
Masllavica ka marrë 19 vota, përkundrejt 2 votave të rivalit në zgjedhje, Ilir Topuzi. Kjo fitore e thellë për presidentin e ri të Peshëngritjes vjen në një moment jo të mirë për këtë sport në vendin tonë.
Zgjedhja e biznesmenit të njohur në krye të Federatës Shqiptare të Peshëngritjes është pritur me pozitivitet nga të gjithë shtangistët, që kanë qenë prezent në këtë asamble zgjedhore. Zgjedhjet u organizuan pas dorëheqjes së Elez Gjozës, i cili u largua për shkak të disa skandaleve radhazi të peshëngritësve tanë, që pas garave e medaljeve rezultuan me doping.