Në një intervistë të dhënë në emisonin “Belve 2” Fedez ka folur për ndarjen e tij nga Chiara Ferragni.
“Unë dhe Kiara kaluam shumë kohë të vështira, një prej tyre ishte sëmundja ime. Ishin tre vite shumë të komplikuara dhe fatkeqësisht nuk duruam”, tha ai.
Edhe pse ishte i gatshëm të fliste për blogeren e njohur, ai nuk deshi të tregonte se çfarë i bëri ata që të shkonin drejt divorcit. Megjithatë, prezantuesja e pyeti nëse beteja ligjore e Ferragnit ndikonte në martesën e tyre, Fedez u përgjigj: “ Po, po, po, po ”, por sqaroi: “ Nuk është kjo arsyeja pse u ndamë ”
Ndërsa pyetjes nëse dicorci kishte lidhje me ndonjë tradhëti reperi u shpreh se:
“Është qesharake, derisa u martova më thoshin se jam gay, por tani që jam divorcuar më pëlqejnë femrat? Unë jam i habitur se sa lehtë njerëzit flasin për të. Kaq e thjeshtë, nga askund”.
Gjatë gjithë intervistës Fedez nuk ndaloi së cilësuari 36 vjeçaren si “gruaja e tij” . Por arsyeja nuk është gjë tjetër veçse fakti se “ligjërisht është ende kështu”.
“Të gjithë menduan se do të vija këtu për të kritikuar gruan time. Nuk është kështu, ajo është nëna e fëmijëve të mi dhe do të jetë gjithmonë gruaja më e rëndësishme në jetën time sido që të ndodhë”, tha ai dhe në fund theksoi se: “Çfarëdo që të ndodhë, do të doja t’i thoja që të mos shqetësohet. Ajo do të jetë gjithmonë nëna e fëmijëve të mi dhe gruaja më e rëndësishme në jetën time”.
