Fërgesë me Djathë
Përbërësit:
150 gr djathë i bardhë
1 lgj miell gruri
3 lgj miell misri
20 gr gjalpë
2 lgj vaj luledielli
1 thelpi hudhër
piper i kuq
piper i zi
Përgatitja:
Në një tigan ngrohim pak vaj dhe gjalpë dhe skuqim djathin të cilin e kemi lyer me pak miell gruri. Largojmë djathin nga tigani dhe në po atë yndyrë shtojmë miellin e misrit dhe e kaurdisim derisa të marrë ngjyrë. Shtojmë ujë të vluar dhe e trazojmë derisa masa të marrë formën e një salce jo shumë të trashë. Shtojmë hudhrën e shtypur dhe e kalojmë gatimin në një tavë dheu të cilën e kemi ngrohur më parë. Shtojmë copëzat e djathit, e spërkasim me piper të kuq dhe e vendosim në furrë në 180 gradë për 20 minuta.
Komento
