Fërgesë me mëlçi pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00. 

6 Tetor 2022, 09:59| Përditesimi: 6 Tetor 2022, 11:17

  • Share

Fërgesë me mëlçi pule

Përbërësit:

  • 500 gr mëlçi pule
  • 500 gr gjizë pa kripë
  • 1 qepë
  • 2 thelpinj hudhër
  • 1 spec i kuq
  • 1 spec djegës
  • 1 lgj salcë domate
  • Gjethe dafine
  • Kripë, piper, rigon

Përgatitja:

Fillimisht ndajmë dhe presim në kubikë mëlçitë dhe i kaurdisim me pak vaj ulliri. Kaurdisim më pas qepën e grirë imët së bashku me hudhrat. Pasi qepa të bëhet transparente shtojmë specat dhe erëzat. Pas 2-3 minutave kaurdisje shtojmë një gotë ujë dhe i lëme specat me qepën dhe 5 minuta të tjera. Shtojmë melçitë, gjizën dhe salcën e domates. Rregullojmë shijen me kripë, piper dhe rigon dhe e kalojmë gatimin nga tigani në një tavë të nxehur. E vendosim tavën në furrë të parangrohur në temperaturën 200 gradë Celsius për rreth 30 minuta.

MC/ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?