Mungesa e ujit për vaditjen e të mbjellave, ka ngritur në protestë banorët e fshatit Drenovicë në bashkinë Dimal. Sipas tyre uji nuk lëshohet në kanalet pranë serave të tyre, pasi disa fermerë nuk kanë paguar taksat e tokës. Fermerët bëjnë thirrje që të merren masa, teksa po falimentojnë.
Me mijëra ton perime po ju thahen nëpër sera. Mungesa e ujit për vaditje është kthyer në një shqetësim për fermerët e Drenovicës në bashkinë Dimal në qarkun e Beratit. Sipas tyre uji nuk lëshohet në kanalet pranë tokave të tyre, pasi disa fermerë nuk kanë paguar detyrimet e tokave.
Në shenjë indinjimi ata janë ngritur në protestë. Ndërsa kërkojnë që të merren masa dhe mos të ndëshkohen për faj të të tjerëve, pasi po falimentojnë.
Në zonën e Drenovicës janë rreth 30 fermerë që merren me kultivimin e perimeve si domate, trangujve dhe specave.
