Ferrari dhe mbiemri Schumacer duket se janë të destinuar të jenë edhe për një kohë të gjatë një binom i pandashëm. Kjo për meritë të djalit të Michael Schumacer, Mick, i cili këtë fundjavë ka debutuar në Formula 2, megjithëse kjo është shumë pak me atë që pritet të ndoshë së shpejti.
Lajmi i madh është se 20-vjeçari Mick, të martën ose të mërkurën, do të testohet në ‘Formula 1’ me makinën ‘Ferrari’. Të shumtë janë ata që mezi po e presin këtë test të pasardhësit të Micheal Schumacer, legjendës së ‘ferrarit’ që me kokëkuqen ka fituar 5 tituj kampion.
“Jam më shumë se i emocionuar dhe do të doja të falënderoja Ferrarin dhe Alfa Romeon për dhënien e kësaj mundësi”, tha Mick Schumacer të premten. Ndërkohë për debutimin e tij me ‘Ferrari-n’ ka folur edhe Sebastian Vettel, piloti numër 1 i kokëkuqes. Për djalin e idhullit të tij në ‘Formula 1’ Vettel është shprehur:
“Natyrisht për mbiemrin që ka, ka edhe shpresa, por unë mendoj se për t’u tenstuar në Formula 1 duhet të jesh edhe i shpejtë. Deri më tani Mick ka bërë shumë mirë dhe e meriton këtë shans.”
Mick para se të debutonte në ‘Formula 2’ u shpall kampion në ‘Formula 3’. Ndërkohë që në debutimin e tij në ‘Formula 2’, në Çmimin e Madh të Bahreinit, u rendit i teti.
Komente
