Lajmi për Elseid Hysaj, mbrojtësin e Lazios, është ende i freskët dhe ka të bëjë me Ferrarin e tij 488 GTB, me vlerë mbi 230 mijë euro, i cili mori flakë teksa vetë lojtari dhe vjehrri i tij ndodheshin brenda.
Lajmi u përhap menjëherë në internet, duke ngritur gjithashtu disa shqetësime. Fatmirësisht, të dy arritën të dilnin në kohë nga automjeti luksoz, por makina u shndërrua në një grumbull hi.
Kishte shumë frikë, por shqiptari donte menjëherë ta trajtonte veten me një makinë tjetër. Edhe ajo duhej të ishte një supermakinë shumë e fuqishme dhe luksoze. Makina për të cilën po flasim është “Lamborghini STO” blu, model që ka një çmim bazë mbi 316 mijë euro.
Hysaj vendosi ta pasurojë dhe ta bëjë edhe më joshëse makinën e re, duke ia besuar një kompanie shumë të famshme porosie mes VIP-ave të kryeqytetit italian, të njëjtës së zgjedhur nga shoku i skuadrës Mario Gila për “BMË M8 Competition” dhe nga Jessica Immobile, bashkëshortja e kapitenit të Lazios.
“Lamborghini STO” është i pajisur me motor V10 5.2 litërsh, i aftë për të dhënë një fuqi prej 640 HP në 8,000 rpm dhe një çift rrotullues maksimal prej 565 Nm në 6,500 rpm. Mund të arrijë një shpejtësi maksimale prej 310 km/h, është një makinë super sportive e krijuar me synimin për të ofruar të gjitha ndjesitë e drejtimit sportiv dhe teknologjinë e një makine të vërtetë garash.
Komente
