BELSH – Fundjava e parë e qershorit në qytetin e Belshit u mbush me ngjyra, art dhe emocione me rastin e “Festës së Afërditës 2025”, një nga aktivitetet më të rëndësishme kulturore të zonës së Dumresë.
Me një pjesëmarrje të gjërë të të rinjve, prindërve, mësuesve dhe qytetarëve, festa u shndërrua në një manifestim të vërtetë të shpirtit rinor dhe trashëgimisë lokale, duke kulmuar me shpalljen e fitueses së konkursit të bukurisë "Miss Afërdita 2025".
Festimet nisën paraditen e së enjtes në amfiteatrin buzë liqenit të Seferanit, ku nxënës nga të gjitha shkollat e zonës u bënë pjesë e një spektakli shumëngjyrësh artistik. Të rinjtë performuan këngë moderne dhe tradicionale, kërcime dhe valle popullore, poezi e skeçe humoristike,
Në mbrëmje, festa u zhvendos në pedonalen e qytetit të Belshit, ku u zhvillua eventi më i shumëpritur: konkursi i bukurisë “Miss Afërdita 2025”, tashmë i kthyer në një traditë të dashur për qytetin.
Vajzat pjesëmarrëse parakaluan me elegancë, përballë një publiku të zjarrtë dhe një jurie profesioniste. Ato prezantuan jo vetëm bukurinë e tyre fizike, por edhe inteligjencën, kulturën dhe vetëbesimin. Fituesja e këtij viti u shpall Enkela Kullolli, nxënëse në vitin e parë të gjimnazit “Sami Frashëri” në Belsh.
Komente
