Federata shqiptare e futbollit me rastin e festave të fundvitit ka organizuar një mbrëmje në të cilën pjesëmarrës janë figura dhe ish-figura jo vetëm të futbollit shqiptar por edhe të politikës shqiptare. Në mbrëmje nuk mund të mungonte ish-kapiteni i kombëtares shqiptare Lorik Cana i cili ka preferuar ndryshe ta festojë këtë natë duke kujtuar me ish- bashkëlojtarët e tij në kombëtare, fitoren historike të Shqipërisë me Greqinë në shtator të 2004.
Në një foto në ‘Instastory’-n e profilit social të Canës dallohen edhe ish-futbollistët Edvin Murati, Klodjan Duro dhe Elvin Beqiri të cilët luajtën në atë ndeshje. Gjithashtu Cana vendos dhe datën e cila nënkuptohet, flamurin shqiptar dhe “Ju përshëndesim’’.
Më 4 shtator të 2004 Shqipëria mundi Greqinë në ‘Qemal Stafa’ 2-1 me golat e Edvin Muratit dhe Adrian Aliaj. Ndeshja ishte e vlefshme për eleminatoret Botërorit të 2006 në Gjermani. Shqipëria i mbylli ato eleminatore në vendin e 5, një më poshtë se Greqia por data 4.9.2004 kujtohet nga shqipëtarët si një datë historike.
Foto e publikuar nga Lorik Cana
Komente
