Fshati Polenë në Korçë u kthye ne kryeqendren e festimeve këtë fundjavë.
Qindra qytetarë korçarë por dhe vizitorë nga qytete të tjera si dhe turistë të huaj moren pjese në “festën e lakrorit”. Amvisat e zonës përgatitën një prej gatimeve me te famshme tradicionale, duke u dhënë të pranishmëve mundësinë që jo vetëm ta shijojnë, por edhe ta shohin nga afër mënyrën e veçantë të përgatitjes së lakrorit në saç.
Amvisat tregojnë se pjekja e lakrorit në saç e bën atë tepër të veçantë dhe unik nga gatimet e tjera.
Ky është viti i 15-të që organizohet “Festa e Lakrorit” si nismë e bashkisë për të promovuar zonën, traditën e kuzhinës korçare si dhe për të ndezur mbrëmjet e verës. “Festa e Lakrorit” vjen si ndërthurje e shijes së gatimeve, panairit të produkteve të zonës dhe argëtimit.
R.D//ReportTv.al