Këshilli i Ministrave caktoi sot datën 3 janar pushim zyrtar për punonjësit e administratës shtetërore.
Sipas njoftimit, dita e punës, e datës 3.1.2025, do të zëvendësohet në një nga ditët e pushimit brenda gjashtëmujorit të parë 2025.
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave, vendosi: Caktimin e ditës së premte, datë 3.1.2025, ditë pushimi për punonjësit e administratës shtetërore ”, thuhet në vendimin e qeverisë.
Caktimi i datës 3 janar pushim i shton punonjësve të administratës publike edhe një ditë më shumë pushim për festat e fundvitit, përveç datave 1 dhe 2 janar. Datat 4 dhe 5 janë ditë fundjave që është pushim zyrtar dhe në punë punonjësit do të rikthehen në datën 6 janar.
Komente
