Vitin e kaluar qyteti i Elbasanit gumëzhinte nga njerëzit e shumtë që kishin dalë në shesh për të bërë foto para pemës së zbukuruar për festat e fundvitit.
Një vit më pas kur data shënon 31 Dhjetor, dhe na ndajnë pak orë nga nata e ndërrimit të viteve qyteti duket shumë i boshatisur në krahasim me vitin e kaluar.
"Në shtëpi do ta kalojmë" - tha një qytetare.
"Vetëm në shtëpi do ta kalojmë. Nuk do bëjmë vizita tek miqtë" - tha një qytetare tjetër.
Po si po e presin 2021?
"Ka organizime por brenda orarit. Pra deri në orën 8. Mendoj se është më pak festive" - tha një prej qytetareve.
Kalimi i një viti të vështirë si pasojë e pandemisë së COVID-19 ka detyruar qytetarët e Elbasanit, t’i kthehen traditës, asaj të të festuarit të Vitit të Ri në shtëpitë e tyre.
