Sociale

Fier, 9 fëmijë u prekën nga fruthi, mjekja: Prindërit t’u bëjnë vaksinën

4 Prill, 15:28| Përditesimi: 4 Prill, 16:28

  • Share

FIER- 9 fëmijë u preken nga fruthi në Fier gjatë muajit që lamë pas sepse ishin të pavaksinuar.

Sipas mjekes epidemiologe pranë Njësisë Vendore të Kujdesit Shëndetësor Parësor në Fier, Anila Moçi, rasti i parë i konfirmuar ka qenë i një fëmije i cili pas qëndrimit 2 javor në Itali është kthyer i infektuar, ndërsa prindërit e tij kishin refuzuar bërjen e vaksinës kundër fruthit.

Një tjetër vatër infeksioni shpërtheu më pas në një kopësht dhe pavarësisht se të gjithë fëmijët e prekur janë trajtuar në spital dhe aktualisht janë në gjendje të mirë shëndetësore, mjekja Moçi paralajmëron rrezikun e përhapjes së fruthit në rast refuzimi të vaksinës.

 Ajo apelon prindërit të mos bien preh e zërave se vaksina kundër fruthit shkakton autizëm, pasi ky debat është i tejkaluar dhe s’ka vend për spekulime.

‘Ka artikuj të tërë, OBSH, institutet e shëndetësisë në të gjithë botën e kanë vërtetuar që autizimi nuk shkaktohet nga vaksina e fruthit. Kemi një rritje të zërave antivaksinë dhe prej vitesh ka një rënie të mbulesës vaksinale në lidhje me vaksinën e fruthit. Dhe në Fier kemi një grup individësh që refuzojnë vaksinën e fruthit, jemi në kohë dhe për këtë do të bëjmë edhe një takim me të gjitha grupet e interesit’, tha ajo.

Një shpërthim i tillë i fruthit në Fier është regjistruar në vitin 2018 ku në Qarkun e Fierit u prekën 8 persona. Përballë kësaj situate mjekja Moçi u ka bërë apel të gjitha institucioneve arsimore parashkollore dhe shkollore të mos pranojnë fëmijë të pavaksinuar sipas kalendarit kombëtar të vaksinimit pasi bëhen shkak për përhapjen e fruthit edhe te fëmijët e tjerë.

S.B/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?