Një 18-vjeçar nga Patosi është arrestuar nga Policia e Fierit pasi i janë gjetur në banesë 30 doza kanabis sativa dhe 1 armë gjahu pa leje. Markos Berberaj, 18 vjeç, banues në Patos është i riu i ndaluar nga Policia.
Njoftimi i plotë:
I gjenden në banesë 30 doza lëndë narkotike e dyshuar Cannabis Sativa dhe 1 armë gjahu pa leje, arrestohet në flagrancë nga policia.
Specialistët për Hetimin e Narkotikëve dhe Trafiqeve në Drejtorinë Vendore të Policisë Fier, arrestuan në flagrancë shtetasin:
•Markos Berberaj, 18 vjeç, banues në Patos.
Arrestimi i këtij shtetasi u bë pasi gjatë kontrollit të banesës së tij, iu gjetën dhe u sekuestruan në cilësinë e provës matriale një sasi prej 30 dozash lëndë narkotike e dyshuar Cannabis Sativa, si dhe një armë gjahu pa leje.
Materialet i kaluan Prokurorisë pranë Gjykatës së Shkallës së Parë Fier për veprat penale "Prodhimi dhe shitja e narkotikëve" dhe "Prodhimi dhe mbajtja pa leje e armëve të gjuetisë dhe sportive" parashikuar nga Nenet 283/1 e 280 të Kodit Penal.
Komente
