Babë e bir janë vënë në prangat e policisë së Fierit pasi ishin shpallur në kërkim për prodhim dhe shitje narkotikësh. Në kuadër të operacionit të koduar "Shënjestra 2", u arrestua Ilir Tafa, 50 vjeç, (i dënuar më parë për vjedhje me dhunë) dhe Gledis Tafa, 25 vjeç, të dy banues në Bishanak, Fier.
Në vitin 2019, në banesën e tyre, shërbimet e Policisë kanë gjetur sasi lënde narkotike heroinë dhe kokainë.
Gjykata e Shkallës së Parë Fier ka vendosur masën “Detyrim paraqitje” për këta shtetas, ndërsa Gjykata e Apelit Vlorë, me vendimin e datës 30.05.2022, ka revokuar vendimin e Gjykatës së Shkallës së Parë, duke e dënuar Ilir Tafën, me 5 vjet e 4 muaj burgim dhe shtetasin Gledis Tafën, me 1 vit e 6 muaj burgim. Materialet i kaluan Prokurorisë, për veprime të mëtejshme procedurale.
Gjatë operacionit të vitit 2019, u arrestua në flagrancë shtetasja T. T., si dhe u shpall në kërkim bashkëshorti i saj, shtetasi Z. T., bashkëpunëtorë në këtë veprimtari kriminale.
Komente
