Një shtetas turk është arrestuar në flagrancë nga Policia e Fierit, pasi bleu karburant me kartëmonedha të falsifikuara.
Pas kallëzimit të një punonjësi të një pike karburanti në fshatin Çermë e Sipërme, i cili raportoi se një klient kishte paguar me dollarë të dyshuar si falsë, Seksioni për Hetimin e Krimeve Ekonomiko-Financiare organizoi punën për identifikimin dhe arrestimin e autorit.
Si rezultat, u ndalua dhe u arrestua shtetasi Burak Ozakyuz 22 vjeç, banues në Turqi, për veprën penale "Falsifikimi i monedhave".
Gjatë kontrollit të automjetit me qira që ai po përdorte, u gjet dhe u sekuestrua një kartëmonedhë 100-dollarëshe e dyshuar si e falsifikuar.
Komento
Komente
