Fier- Pesë të rinj janë arrestuar nga policia e Fierit ndërsa një tjetër është shpallur në kërkim pasi dyshohen se janë autorë të zjarrit të një lokali në Darzeezë.
Policia njofton se të arrestuarit janë Andi Troka, Ervaldo Myrtaj, Armand Salaci, Erion Licaj dhe Dorjan Lulaj.
Lokali i quajtur "Delfini" u përfshi nga flakët të dielën 30 mars, duke shkaktuar dëme materiale.
Për shkak se lokali ishte i ndërtuar me dru, u dogj totalisht brenda disa minutash. Lokali në pronësi të shtetasit A. B, funksiononte prej 5 vitesh gjatë muajve të verës, ndërkohë që dëmi i përllogaritur arrin në 30 milionë lekë të vjetra, ndërsa janë djegur të gjitha pajisjet që ndodheshin brenda ambienteve, 120 shezlongë dhe 60 çadra.
“Në vijim të informacionit të dhënë më datë 30.03.2025, mbi djegien e një lokali në plazhin e Darëzezës, informojmë se në vijim të veprimeve hetimore dhe operacionale në lidhje me rastin, u ndaluan shtetasit Andi Troka, 23 vjeç, Ervaldo Myrtaj, 20 vjeç, Armand Salaci, 20 vjeç, Erion Licaj, 19 vjeç dhe , 19 vjeç, të pestë banues në Fier, si dhe u shpall në kërkim shtetasi A. R., 19 vjeç, pasi dyshohen si autorë të këtij rasti. Vijon puna për kapjen e shtetasit A. R., si dhe në drejtimin e Prokurorisë, po kryhen hetime për të individualizuar përgjegjësinë penale të secilit prej këtyre shtetasve, si dhe për të dokumentuar shkakun e zjarrit”, informoi sot policia.
Materialet procedurale iu referuan Prokurorisë së Fierit, për veprën penale “Shkatërrimi i pronës me zjarr”, kryer në bashkëpunim.
Komente
