Në fshatin Çukës të Lushnjës, dy vëllezër u përfshinë në konflikt për çështje pronësie, ku njëri mbeti i vdekur e tjetri i plagosur. Shkak për sherrin që nisi me sëpata e përfundoi tek pistoleta është bërë një sipërfaqe e vogël toke, e cila ndodhet mes dy shtëpive të vëllezërve Musai.
Burimet bëjnë të ditur se vëllezërit nuk kishin gjetur dakordësinë për ta përdorur këtë tokë si rrugë për të futur makinat në oborret e shtëpive. Fillimisht Haziz Musai 70-vjeç ka goditur me sëpatë të vëllanë, Nazifin 77-vjeç, duke i shkaktuar plagë në trup. Më pas 77-vjecari ka nxjerrë pistoletën dhe ka qëlluar në kokë vëllanë. 70-vjecari Haziz Musai u dërgua menjëherë në spitalin e Traumës, por nuk mundi t’u mbijetojë plagëve.
Shefi i komisariatit të Lushnjes, Edmond Pjetraj dha detaje nga vendngjarja.
‘Dy vëllezër pas një konflikti për motive pronësie, fillimisht me sende të forta, konflikti ka agravuar në përdorimin e armëve të zjarrit. Policia ka marrë masat, është sekuestruar arma, është kapur autori dhe po kryhen të gjitha veprimet hetimore.’- tha Edmond Pjetraj, drejtuesi i komisariatit të Lushnjës.
I plagosur mbeti 77-vjeçari, i cili po merr mjekim në spitalin e Lushnjës. Në dëshminë e parë për hetuesit, Naziz Musai deklaroi se vëllai i vogël e ka goditur disa herë, duke e vënë poshtë, kështu u detyrua të nxirrte armën. I moshuari tha se debatet për tokën kanë qenë të vazhdueshme mes tyre.
Ndërron jetë i moshuari Haziz Musai, i cili u qëllua me pistoletë nga vëllai i tij Nazif Musai sot në Lushnjë. Lajmin e bën me dije gazetari i Report Tv Freard Rista. I ndjeri kishte marrë plumb në kokë dhe nuk ka mundur të mbijetojë.
Duke qenë se ende nuk kanë ardhur familjarët, procedura e kërkon të mbahet dy orë në spitalin e Traumës në pritje të familjarëve e më pas do të dërgohet në morg.
Haziz Musai i plagosuri me armë zjarri nga vëllai i tij Nazif Musai mëngjesin e sotëm në Çukas të Vjetër, niset për në spitalin e Traumës. Gjendja e tij është kritike për jetën.
Nazifi 77-vjeçar po i nënshtrohet ndërhyrjes kirurgjikale ne spitalin e Lushnjes, pasi ka plagë në krah e këmbë nga sëpata dhe kosorja me të cilën u qëllua nga Hazizi.
Foto ilustruese
Mat- Një tjetër sherr mes vëllezërish është shënuar sot pas atij të mëngjesit të ndodhur në Lushnje.
I njëjti motiv: Prona. Këtë herë në fshatin Midhë të Mat.
Ndërhyrja e policisë parandaloi përshkallëzimin e konfliktit duke arrestuar në flagrancë shtetasin S.S., 61 vjeç, banues në fshatin Midhë, Mat.
Ky shtetas, për motive të pronësie, ishte konfliktuar dhe kishte goditur me sende të forta vëllanë e tij, duke i shkaktuar dëmtime në fytyrë.
Dosja i kalon Prokurorisë së Dibrës.
Komisari drejtues i Komisariatit të Lushnjes, Edmond Pjetraj ka zbardhur ngjarjen e konfliktit të dy vëllezërve në Çukas të Vjetër. Konflikti për motive pronësie ka agravuar deri në përdorimin e armës.
"Dy vëllezër pas një konflikti për motive pronësie. Fillimisht me sende të forta, konflikti ka agravuar me përdorimin e armës së zjarrit, ku njëri prej vëllezërve N.M., 78 vjeç ka goditur me armë zjarri vëllain e tij 70 vjeç, i cili ndodhet në spitalin e Lushnjes. Policia ka marrë të gjitha masat. Është sekuestruar arma e zjarrit. Janë sekuestruar të gjitha provat materiale. Autori është kapur dhe po kryhen të gjitha veprimet e tjera hetimore në vazhdimësi. Ju faleminderit!", tha Edmond Pjetraj.
Komente
/QWERT/,ti thua qe gjithe faji eshte i /Eves/qe i ofroi frutin e ndaluar /Adamit/,por ne te vertete ishte /Adami/ ai qe ne fund vendosi vete te kafshoje frutin,kur mund te kishte thene /Jo!/.Mos fajeso grate pse burrat jane aq budallenj sa vrasin dhe njeri-tjetrin per nje driveway!
PërgjigjuI futen grat ne sherr nuk ka njeri ne bot mos te doj vllain..i bej thirrje popullit mos ti degjojn grat..vetem ne krevat ti degjojn ..edhe dru sa me shum..
PërgjigjuMos u ngopshit me prona! Ja cfar prone morre me vehte në var, vetëm vdekje me lemeri!
PërgjigjuKush na e ka fajnë ???,vëllezër të moshuar vriten për nji copë tokë(tani dhe fëmijët e niprit e mbesat jan në hasmëri me njëri-tjetrin),fëmijët vrasin prindrit,dhe anasjelltas,komshijtë vriten me njëri-tjetrin,si mund të jetohet në këtë vënd ku,të gjithë jan në hasmëri me njëri-tjetrin ?...
Përgjigju