Fier- Një tjetër aksident rrugor ka ndodhur pasditen e sotme në Fier.
Ngjarja u shënua rreth orës 14:20, në qendër të qytetit, pranë semaforit kryesor. Dy automjete janë përplasur me njëri-tjetrin, duke shkaktuar panik dhe trafik në zonë.
Sipas informacioneve të para nga vendngjarja, nga përplasja e fortë ka mbetur një e lënduar , e cila është transportuar menjëherë drejt spitalit për të marrë ndihmën mjekësore.
Ngjarja është shoqëruar edhe me tensione, pasi drejtuesit e mjeteve janë konfliktuar fizikisht pas aksidentit.
Paraprakisht dyshohet se një prej shoferëve ka qenë në gjendje të dehur, ndërkohë që policia ka mbërritur në vendin e ngjarjes dhe ka nisur hetimet për sqarimin e plotë të rrethanave.
Më herët kishte ndodhur një tjetër aksident në rrugën Patos-Fier, ku u përplasën një makinë me një motor dhe për pasojë pati bilanc me 3 të plagosur, mes tyre një pasagjere.
Komente
