Administratori i një shoqërie ndërtimi është proceduar penalisht pasi ka nxjerrë sasi të mëdha inertesh në shtratin e lumit Vjosa. Sipas policisë, 48-vjeçari me iniciale K.K akuzohet për "Shpërdorimi i tokës" dhe "Fshehja e të ardhurave", ndërsa nga IKMT është gjobitur në masën e 1.000.000 lekëve.
"Ky shtetas me detyrë administrator në një shoqëri ndërtimi, ka shfrytëzuar në mënyrë jo të ligjshme, me mjetet e shoqërisë së tij, shtratin e lumit Vjosë, duke nxjerrë sasi të mëdha inertesh në shtratin e këtij lumi", thuhet në njoftim.
Policia e Shtetit dhe IKMT i bëjnë thirrje qytetarëve që të denoncojnë çdo shkelje apo dëmtim të mjedisit.
Report Tv ka ndjekur me vëmendje të veçantë situatën që paraqitet në lumenjtë e vendit, mes tyre atë të Tiranës dhe deri në grykëderdhjen e Erzenit.
Komente
