Rritja e temperaturave ka sjellë me vete edhe rrezikun e pickimeve nga zvarranikët dhe insektet në qarkun e Fierit. Janë mbi 12 raste, të cilat janë paraqitur në spitalin rajonal të Fierit për të marrë ndihmën mjekësore sa i përket pickimeve nga insektet dhe zvarranikët.
Maji dhe qershori ka shënuar numrin më të lartë të pickuarve, rastet më të mëdha janë nga pickimi i nepërkës, ku numri i tyre arrin deri në 7 persona, të cilët janë kryesisht nga zona e Cakranit në Fier.
Ka edhe raste të pickimit të akrepit dhe të merimangës, ku persona kanë paraqitur probleme shëndetësore. Mjeku intoksikolog, Lulëzim Banushaj ka shpjeguar se në këtë periudhe helmi i zvarranikëve dhe insekteve është shumë i koncentruar dhe viktimat e tyre janë të rrezikuar nga helmi vdekjeprurës.
Mjeku Banushaj i bën thirrje fermerëve dhe personave që punojnë në toka bujqësore të kenë kujdes pasi kjo periudhë është mjaftë e rrezikshme sa i përket pickimet nga zvarranikët.