FIER - Një 16-vjeçar ka mbetur i plagosur në këmbë me thikë gjatë një konflikti të çastit në lagjen 8 Shkurti, rreth orës 08:00. Adoleshenti ndodhet në spital nën kujdesin e mjekëve, ndërsa gjendja e tij raportohet e stabilizuar, teksa është në sallën e kirurgjisë së spitalit rajonal të Fierit.
Siç bëhet me dije nga gazetarja Marela Topi, 16-vjeçari po shëtiste qenin në lagjen '8 Shkurti' ku u sulmua me thikë. I pyetur nga policia lidhur me plagosjen me thikë, nuk ka dhënë ndonjë detaj, por vetëm se nuk pa se kush e qëlloi.
'Rreth orës 20:00, në lagjen "8 Shkurti", Fier, dyshohet se gjatë një konflikti të çastit është dëmtuar në këmbë me mjet prerës një shtetas 16 vjeç, i cili ndodhet në spital në kujdesin e mjekëve.', njofton policia.
Grupi hetimor është ngritur dhe po punon për zbardhjen e rrethanave të ngjarjes, si dhe për identifikimin dhe kapjen e autorit/ve të dyshuar. Hetimet janë në vijim.
Komente
